Skilmálar fyrir pantanir

Við hjá Sykurverk café viljum að sjálfsögðu að allir þeir sem versla hjá okkur séu ánægðir. Til að tryggja það og koma í veg fyrir misskilning koma hér fram nokkrir skilmálar sem er vert að lesa yfir áður en pantað er.

Að senda inn pöntun í gegnum vefsíðuna okkar er ekki staðfesting á að pöntun verði framkvæmd. Það getur komið upp sú staða að við séum upp bókaðar fyrir ákveðna dagsetningu, þess vegna munt þú fá tölvupóst eða símtal til staðfestingar á pöntuninni eða vera látin vita ef til þess kemur að ekki sé hægt að verða við henni á þeirri stundu sem valið var.

Afbóka þarf með 3ja sólahringa fyrirvara, þar sem búið er að taka frá plássið og eftir þann tíma erum við oft byrjaðar á skreytingum o.þ.h. Ef skyndilega þarf að afbóka eftir þennan tíma er afbókunargjald 50% af heildar verði pantannar.

Þegar pöntun er sótt er hún ávalt sýnd þeim aðila sem sækir, ef eitthvað er ekki ásættanlegt í útliti er best að láta vita áður en pöntunin er tekin. Ef pöntunin er tekin út af staðnum þá er útlitið talið gott og samþykkt.

Ef pöntuð er samsetning af kremi/botn/fyllingu t.d. sem viðkomandi finnst ekki bragðast nógu vel saman, tökum við ekki ábyrgð á því þar sem við hjá Sykurverki vinnum allar okkar uppskriftir eftir bestu getu og pössum vel upp á bragð en getum ekki ábyrgst að allt það sem við bjóðum upp á passi vel saman, ef þú vilt fá ráðleggingar um samsetningu þá er það minnsta málið, endilega hafðu samband.

Ef eitthvað ofnæmi er til staðar þarf að láta sérstaklega vita af því svo við getum passað til hins ýtrasta að ekkert smitist af ofnæmisvaldi í pöntunina.

Þegar pöntun er farin út af staðnum er hún farin úr okkar ábyrgð. Skemmist kaka á leiðini eða á veislustað er það því miður ekki eitthvað sem við getum ábyrgst. Best er að einhver haldi á pöntun á leið á veislustað eða að hún sé sett á flatt yfirborð svo sem í skottið á bílnum og skorðuð þar af, aldrei leggja pöntunina í sæti þar sem bílsæti eru oft sleip og með halla. Ef þú ert óörugg/ur um flutning er hægt að panta sendingu, þá ábyrgjumst við að pöntunin skili sér heil á húfi innan Akureyrar.
Við getum ekki stýrt því hvernig sendingum er hagað í fraktinni, en við merkjum allar sendingar vel og skilum þeim vel frá okkur á völlinn. Ef veitingar eru sendar með frakt er sending komin í ábyrgð kaupanda.

Ef keyptar eru stakar skreytingar hjá okkur sem eru í góðu standi þegar þær fara út af staðnum, ábyrgjumst við ekki ef skreyting skemmist t.d. við tilfærslu yfir á köku.

Verð á síðunni eru birt með fyrirvara um villur og geta breyst án fyrirvara.